ए वेबसाइट के छत्तीसगढ़ चो मिरगान समुदाय चो बारे ने जानकारी दितो काजे बनालोर आसे। ए गोटक निरपेक्ष और समुदाय-केंद्रित मंच आय। एचो उदेस मिरगान लोक चो भासा, रहन सहन आवरी जीवना चो संई आवरी सम्मानजनक जानकारी दितोर आय। मिरगान गोटक अलग पहचान बिती समुदाय आय। इंचो खुद चो भासा, परंपरा आवरी जीवन जीतो तरीका आय। केतलो मिरगान परिवार गोटकी संगे रउआत आवरी आपस ने अछा रिस्ता बनाव रखुआत। मातर ए समुदाय चो बारे ने संई जानकारी खिंडीक मा मिरुआय। ए वेबसाइट हुनी कमी के पूरा करतो कोसिस आय।
ए वेबसाइट थाने मिरगान रहन सहन आवरी भासा, रोजे चो जीवना, सिकछा, बुता-भयना, कला आवरी समुदाय चो कावनी ले जुड़लो जानकारी मिरदे। ए मंच कांई धरम, राजनीति नोअले बेबार ले नी जुड़ली आय। एचो उदेस ओबगो समज के बड़ातो, सिकतो ने सायता करतोर आवरी संई जानकारी दितोर आय।
ए वेबसाइट धीरे-धीरे छोमे बड़तो बिती गोटक जीवता संसाधन आय। जसन-जसन नुआ जानकारी आवरी जमकमन मिरदे, एता जुड़ते जाते रदे। एचो उदेस मिरगान समुदाय चो बाहर ले परिभासित करतोर नुआय, मातर तिंचो जानकारी के मान इजित संगे बाटतोर आय।
